المدير العام
Admin
عدد المساهمات : 246
تاريخ التسجيل : 03/07/2012
 |  موضوع: محبي شعر السيد وباسرده  الخميس يوليو 05, 2012 5:16 pm | |
|
شعر الهوب من أجمل الاشعار وهي توضح حالهم في هذاك الزمن
ورغم كل مايحصل بين السيدوباسرده الا أنهم رحمهم الله مترابطين ومافي احد يزعل من الثاني
ب: يقول المهتجس شاعر معي رطلي وميزاني وحل الوزن لازم كل شي يشتاف
حد بانطية من برني وحد بانطية عزاني وحد بانطية تمر اصفر من المطهاف
معي بني في الدلة وباستين فيجاني وبا صرف عشية سد بن عساف
س: يقول المهتجس شاعر عمى سلمون يشناني وناقدتة وحديتة من النواف
وملقي العيش باليسرى وملقي الغرب بيماني وحتى العود حطيته على لكتاف
ولازم كدع نيابة بعيرك ذي تلافاني بعيرك ماشبع في القرط والشرياف
ب: يقول المهتجس شاعر وجع في الراس آذاني وآذاني في الفقرة وفي لكتاف
وبا تختر يداويني ولكنة معد جاني ونا تميت من بعض الدواء مختاف
تمهل قل لبن هاشم وباتشوفون رمياني وانا رامي مكلف وارشن المشواف
س: يقول المهتجس شاعر عسى ذا زوحكم هاني عسى تطلع رطوبة في السبول الحاف
عسى ذا الماطر السرحي يطلع رعد له ثاني فرحنا بالكثيري يوم حب الكاف
ويسقي حورة العليا وفي ارض السليماني ويسقي مال عرقة وادها رقاف
ب: يقول المهتجس شاعر علي ماباة ينساني ولا بنسى علي وعيال هل طواف
وقرش العود عندي له وباجيبه في ثباني عسى بيني وبينه لايكون خلاف
وحصلنا عمى يجهص يقود اثنين عمياني بهم من عام لول هتفت الوضاف
س: يقول المهتجس شاعر سمعت الشخص ناداني ورواني مهاري كاملة لوصاف
محمد حرش الريدة وهوه ذي حرش عيالي وسبرلي عيالي يقسمون نصاف
انا بنزل على الشقرة وانا باسوق لك عاني وبا خارج وهو عادة في القراف
ب: يقول المهتجس شاعر حبيبي ينتكر شاني انا صلح وهو في هرجنا حذاف
وحتى نهار سوسنا عيونة تغمز الباني وحلفناه واعطانا مية حلاف
وبنت ابليس يامحسن تربت في مريكاني وهيه ذي باتعكلف هرجنا عكلاف
س: يقول المهتجس شاعر طلعتك والقط القاني صلاتك عاالمشفع لاتقع زهاف
انا مابعد رفض دفي ولاباتخطي لساني ولبعد قد حذفت الطير بالحذاف
وساعه في الحجل جلجل وساعة عدلي ساني وذي حبة في الخزن معد يشتاف
ب: يقول المهتجس شاعر مكان البحر ملياني وباتلغب مكينتكم مع النشاف
انا ناصحت بن هاشم كأنة أب رباني وديني وعندي له قضاء وسلاف
وعاده لا يبا شوري يزور الشيخ دياني وبعده ناس باتزقر على لطراف
س: يقول المهتجس شاعر كلام الشعب آذاني يشقف علمها ذا آدمي شقاف
تزرون القتب ايمن وهو من غير قدامي مراحل يامحمد مالها اوقاف
وهذا الشعب حليته وهو من غير عضياني تبا تعرف ولا تلقي معك عراف
ب: يقول المهتجس شاعر عرفنا قبر سفياني وعنده بير فيها الدلو والمخطاف
ولازم من نزل فيها وقع عاشق وفناني وفي آخر زمانة ينقلب قراف
وانا باحمق على شعبي وباجلس عند رعياني وعند الشعب لخظر بايقع عطاف
س: يقول المهتجس شاعر انا زاجي برمياني ساع باجرب وساعه عا الحجل طواف
ولازم قل لباسرده خرج من باب دكاني وفيجانك انا ذي صرفه صراف
توكل قل لبوصالح دخل قريه وخلباني وربك بايردك عند بن لشراف
ب: يقول المهتجس شاعر عيوني كلها تهمل وياحافظ عليها من وجع مجروب
عساني قوم وتباخر وباصبح جبل مقبل وبالقنص وبانلقي لها تركوب
وانا حمل كل ماقلتة وبعض الناس مايحمل معي عاكي وباعكي جبوح النوب
س: يقول المهتجس شاعر تبا خيالنا ينزل ثرك مسبوب وحنا لعرف المسبوب
ولا باتحرش الريده كما حرشت هل محجل رجال ثبات مابا ينقلب مقلوب
ولازم دوب سايركم ولا باحبس ولاباطلق ولازم كل غالب مايقع مغلوب
ب: يقول المهتجس شاعر معي حراث مايغسل ولا حط المطر يخرج وسط لشبوب
وساعه جيه في راضه وساعه جيه مستعجل وساعه جيه بعد السيل والتعبوب
ولا قلنا لبا غربه يسوي في الحجل جلجل يعاكسني ولكنه رجل محبوب
س: يقول المهتجس شاعر تشوف بتولنا يبتل يصبح عاالحلي والهيج يامطلوب
وهوة مكلوف بايذراء وهوه مكلوف بايحصد وهو ذي بايصفي حبها والشوب
وبايخرج مدايينه كما انه شخص متحمل ولاشكي يجي للوم والمتعوب
ب: باسرده
س: السيد | |
|
